liwanliqlar iqtisadiy kirizis peyda qilghan qimmetchilikke qarshi namayish ötküzdi

liwanliqlar paytext béyrutta namayish ötküzüp, iqtisadiy kirizis we yerlik pulning qimmitining chüshüp kétishi peyda qilghan qimmetchilikke naraziliq bildürdi.

1656478
liwanliqlar iqtisadiy kirizis peyda qilghan qimmetchilikke qarshi namayish ötküzdi

türkiye awazi radiyosi xewiri: namayishchilar sheherning oxshimighan jaylirigha yighilip, kamérlarni köydürüp bir qisim asasliq kochilarni qamal qiliwaldi we nacharliship ketken turmush sharaiti bilen yéqilghu kirizisini eyibleydighan shoarlarni towlidi.

xewpsizlik qisimliri namayishchilargha mudaxile qilip, tash yolidiki qatnashni eslige keltürdi.

oxshimighan din we mezheplerni asas qilghan siyasiy bölünüshler nuqtisidin intayin nazuk qurulmigha ige bolghan liwan iqtisadi, 1975 -  1990 -  yilliridiki ichki urushtin buyanqi eng éghir kirizisni bashtin kechürmekte.

yerlik pul birliki bolghan liwan lirasi, merkiziy bankining tashqi péréwot bahasini muqimlashturghan bolushigha qarimay, bankilar we qarangghu bazarlarda oxshimighan bahalarda élip sétilmaqta. merkiziy banka békitken resmiy tashqi péréwot bahasi 1507, bankilardiki baha bolsa 3900 lira bolmaqta, qarangghu bazarlarda bolsa bügün bir dollar 15 ming liradin éship ketti.


خەتكۈچ: #namayish , #liwan

مۇناسىۋەتلىك خەۋەرلەر