америкада бир һәрбий база қораллиқ һуҗумға учриди

түркийә авази радийоси хәвири: америка қошма иштатлириниң тексас иштатиниң сан антони – лакланд һәрбий базисиға қилинған қораллиқ һуҗумда адәм өлүш вә йарилиниш әһвали көрүлмигәнлики, қачқан икки зораванни тутуш вә вәқәни тәкшүрүш паалийәтлириниң башланғанлиқи билдүрүлди.

америка қошма иштатлири дөләт мудапиә министирлиқиниң әң чоң һәрбий базиси болған лакланд һәрбий базисида вәзәпә өтәватқан подполковник брийан с. ловелес, намәлум икки кишиниң һәрбий базиниң дәрвазисиға оқ чиқарғандин кейин қечип кәткәнликини, қачқан зораванларниң тепилиши үчүн тәкшүрүшниң давамлишиватқанлиқини ейтти.

мәзкур һуҗум сәвәбидин кириш чәкләнгән һәрбий базиниң кейинчә ечилғанлиқи қәйт қилинди.