kanadada yaridar musulman yashqa toghra tibby mudaxile qilmighan qutquzush xadimining jinayiti békitildi

türkiye awazi radiyosi xewiri: xamilton shehiride 2017-yili 12-ayning 2-küni yüz bergen hujumda, dal king isimlik ​​hujum qilghuchi teripidin uq étip yaridar qilinghan yüsüp el xasnawigha neq meydangha kéchikip kelgen ikki neper jiddiy qutquzush xadimi tibby mudaxile qilghan idi.

ontariyo ölkilik aliy sotning sotchisi xarrison arrél töt yilgha yéqin dawamlashqan bu délo heqqide bügün qararini élan qildi.

sotchi arrél qutquzush xadimliri stéwén snéwiy we kristofir marchantning téshilip ketken artériyege we tomuri bar kishige qandaq mudaxile qilish toghrisida alghan derslirini toghra ijra qilmighanliqi üchün qutquzush xadimlirining jinayiiti békitilgenlikini élan qildi.

arrél bu déloning 25-öktebirdin 26-öktebirgiche jinayi ishlar ispat anglash yighini bilen axirlishidighanliqini uqturdi.

qutquzush xadimlirining bu eyibleshler bilen eng yuqiri bolghanda 5 yilliq qamaq jazasigha höküm qilinishi mölcherlenmekte.

yüsüp el hesnawining dadisi majéd el hesnawi sot qararidin kéyin sot binasi aldida muxbirlargha bayanat bérip, «méningche bu adil qarar  boldi. ularning jinayiti ispatlandi. on yilliqmu yaki bir yilliq qamaq jazasigha höküm qilinamdu? buning bilen karim yoq» dédi.