rusiye ochuq asman kélishimi (ASA) din chékindi

rusiye pirézidénti wiladimir putin dölitining ochuq asman kélishimi (ASA) din chékinishige dair qanungha imza qoydi.

1653127
rusiye ochuq asman kélishimi (ASA) din chékindi

türkiye awazi radiyosi xewiri: rusiye dölet qanun uchur sistémisida élan qilinghan qanungha asaslanghanda, rusiye 1992-yili 24-mart finlandiyening paytexti xélsinkida imzalanghan ochuq asman kélishimidin chékingen.

bu qanun pirézidént putin teripidin imzalanghan.

amérika 2020-yili 22- noyabirda rusiye bilen qorallarni kontrol qilishni tertipke salidighan ochuq asman kélishimidin  chékinidighanliqini élan qilghan idi.

rusiyemu 15-yanwarda ochuq asman kélishimidin chékinish musapisini bashlashni qarar qilghanliqini élan qilghan idi.

rusiye we amérika herbiy herikettiki ashkariliqni ilgiri sürüsh we qorallarni kontrol qilish hemde bashqa kélishimlerni nazaret qilishqa qulayliq yaritish meqsitide qoralsiz razwédka uchushlirigha ruxset béridighan ochuq asman kélishimige eza 34 dölet qataridin orun alghan idi.

yawropa bixeterlik we hemkarliq teshkilati térotoriyeside ishench we bixeterlikni ashurushning bir charisi süpitide otturigha qoyulghan shundaqla 1992-yili yanwarda imzalanghan ochuq asman kélishimige eza döletler arisida türkiyemu orun alghan idi.


خەتكۈچ: #wiladimir putin , #rusiye

مۇناسىۋەتلىك خەۋەرلەر