putin baydin bilen ötküzidighan uchrishishining ünümidin ümidwar emeslikini bildürdi

rusiye pirézidénti wiladimir putin, amérika pirézidénti jo baydin bilen ötküzidighan uchrishish netijisini alahide ünümlük bolidu, dep qarimaydighanliqini éytti.

1652146
putin baydin bilen ötküzidighan uchrishishining ünümidin ümidwar emeslikini bildürdi

türkiye awazi radiyosi xewiri: putin, sant pétirborg xelqara iqtisad munbiri yighinining yépilishida rus axbarat agéntliqi — tass teripidin uyushturulghan we anadolu agéntliqi (AA) ning muawin bash diréktori we bash muherriri yüsüp özxanmu ishtirak qilghan sin yighinida, dunyadiki dangliq axbarat organlirining bashqurghuchilirining soallirigha jawab berdi.

putin rusiye – amérika munasiwetliri heqqide toxtilip, amérikaning ikki dölet munasiwitini yamanlashturuwetkenlikige isharet qilghan halda: «rusiye - amérika munasiwitini bu xil ehwalgha chüshürüp qoyghini biz emes» dédi.

u, ikki döletning bir - birini hörmetlishi we bir - birining menpeetini oylishishi kéreklikini tekitlep, 16- iyun shéwitsariyening jenwe shehiride amérika pirézidénti jo baydin bilen körüshidighanliqini eskertti.

wiladimir putin: «men bu yighinning netijisii toghrisida ghayet zor tereqqiyat bolidu, dégen ümidte emesmen. qandaqla bolmisun, ziddiyetni rusiye terep peyda qilmighan bolsimu, bizning özara mas menpeet nuqtilirimiz bar» dédi.

baydinning tejribilik siyasiyon ikenlikini bildürgen putin, yighinning berpachi bolushini ümid qilidighanliqini sözlirige ilawe qildi.


خەتكۈچ: #jenwe , #rusiye , #amérika , #baydin , #putin

مۇناسىۋەتلىك خەۋەرلەر