misir hökümiti israiliye, hamas we pelestin hökümitini söhbet ötküzüshke chaqirdi

misir hökümiti, israiliye bilen hamas we pelestin hökümitini ghezzening sharaitini yaxshilash we nöwettiki urush toxtitish kélishimini mustehkemlesh qatarliq mesililer toghrisida söhbet ötküzüshke chaqirdi.

1646506
misir hökümiti israiliye, hamas we pelestin hökümitini söhbet ötküzüshke chaqirdi

türkiye awazi radiyosi xewiri: misir hökümiti, israiliye bilen pelestin islamiy qarshiliq körsitish herikiti – hamas we pelestin hökümitini ghezzening sharaitini yaxshilash we nöwettiki urush toxtitish kélishimini mustehkemlesh qatarliq mesililer toghrisida söhbet ötküzüshke chaqirdi.

israiliyening dölet igilikidiki taratqusi  — kanning xewiride, misirning israiliye, hamas we pelestin hökümitini paytext qahirediki söhbetlerge ishtirak qilishqa teklip qilghanliqi bildürüldi.

söhbetlerning rayonda uzun muddetlik urush toxtitish kélishimi hasil qilish, ghezzening qaytidin qurulushi we hamasning esirge éliwalghanliqi bildürülgen israiliyeliklerning qayturup bérilishi qatarliq mesililerge merkezlishidighanliqi eskertildi.

yene bir tereptin israiliyening «yediot axronot» géziti, misir heyitining yéqinqi bir qanche kündin buyan mezkur teklip toghrisida pikir almashturush üchün israiliye, ramallah we ghezzede yighinlarni ötküzgenlikini xewer qildi.

xewerde, israiliye bilen pelestinlikler otturisidiki uchrishishlarning misirning muresseleshtürüshi arqisida paytext qahirede ötküzülüshining kütülüwatqanliqi qeyt qilindi.

amérika tashqi ishlar ministiri antoni blinkénning misir pirézidénti abdulfettah sisi we misir tashqi ishlar ministiri semih shukri bilen körüshkenlikige isharet qilinghan xewerde, amérikaning bu uchrishishlargha qétilghanliqi eskertildi.

israiliye söhbetlerge ishtirak qilghan teqdirde, heyetke israiliye dölet xewpsizlik kéngishi bashliqi méir bén shabbatning riyasetchilik qilidighanliqi bildürüldi.

israiliye armiyesi radiyosimu, israiliyening kichik bir heyitining aldimizdiki hepte paytext qahirege bérishining pilanliniwatqanliqini xewer qilghanidi.

israiliye, hamas we pelestin hökümiti hazirghiche bu heqte héchqandaq resmiy bayanat élan qilmidi.


خەتكۈچ: #söhbet , #israiliye , #hamas , #pelestin , #misir

مۇناسىۋەتلىك خەۋەرلەر