әнглийә һөкүмити ваксина әмләткән кишиләрниң һәрикитини көзәткән
әнглийә һөкүмити ваксина әмләш хизмәтлири рамкисида кишиләрниң телефон мәлуматлириниң һәрикәт шәкиллирини анализ қилишта пайдилинилғанлиқини етирап қилди.
түркийә авази радийоси хәвири: әнглийә «почта гезити» (The Telegraph) киши һәрикәтлири үстидә мустәқил илмий ваба анализ гурупписи(SPI-B) ниң доклати тоғрисида хәвәр елан қилди.
доклатта, оксфорд универстети тәтқиқатчилириниң йанфонлардин елинған мәлуматларни, ваксина әмләшниң кишиләрниң турмуш шәклигә қандақ тәсир көрситидиғанлиқиға мунасивәтлик тәтқиқатниң бир парчиси сүпитидә айрим-айрим пайдиланғанлиқи қәйт қилинди.
астразенека билән бирликтә вухән вируси ваксинаси тәтқиқ қилған оксфорд универстетиниң мәзкур тәтқиқатни «киши һәрикәтлири үстидә мустәқил илмий ваба анализ гурупписи» намида қилғанлиқи әскәртилди.
гуруппидики бәлгиләнгән кишиләрниң әмлиништин бурунқи вә әмләнгәндин кейинки һәрикәт шәкиллириниң көзитилгәнлики билдүрүлди.
почта гезитиниң зийаритини қобул қилған бир һөкүмәт байанатчиси тәтқиқатчиларға оксфорд универстетиниң етик тәстиқини бәргәнликини билдүрди.
