israiliyening ghezzediki hujumlirining weyranchiliqi hawadin süretke élindi

israiliye armiyesining qorshaw astidiki ghezze rayonigha qilghan hujumining keng kölemlik weyranchiliqi hawadin süretke élindi.

1643918
israiliyening ghezzediki hujumlirining weyranchiliqi hawadin süretke élindi

türkiye awazi radiyosi xewiri: uchquchisiz ayropilan bilen tartilghan süretler ghezzediki weyranchiliqni éniq otturigha chiqardi.

israiliyening 11 kün bopiche hem hawadin, hem quruqluqtin ghezzeni bombardiman qilishi tüpeyli bir qisim olturaq rayonlarning pütünley weyran bolghanliqi we yene bezi binalarning qismen weyran bolup, ishlitishke bolmaydighan halgha kélip qalghanliqi süretke élindi.

ghezzediki pelestin emgek we olturaqlishish muawin ministiri naji serxan israiliyening hujumida kem dégende 2 ming binaning pütünley weyran bolghanliqini we 15 ming binaning ishlitishke bolmaydighan halgha kélip qalghanliqini éytti.

hujumda 4 jami we onlighan saqchi ponkiti pütünley weyran boldi. sanaet rayonidiki nurghun zawutlarmu ishlitishke bolmaydighan halgha kélip qaldi.

pelestinlik mesullar deslepki éniqlashlargha asasen, iqtisadiy ziyanning 150 milyon dollardin éship ketkenlikini bildürdi.

pelestin medeniyet ministirliqimu israiliyening ghezzege qilghan hujumi sewebidin medeniyet tarmaqlirining omumiy ziyinining 3 milyon 500 ming dollar ikenlikini élan qildi.

bayanatta, hujum tüpeylidin 44 organ, merkez we medeniyet jemiyitining qismen yaki pütünley weyran bolghanliqi bildürüldi.

israiliyening qorshawi astidiki ghezze rayonigha 10-mayda bashlighan hujumliri 21-mayda hamas bilen tüzülgen urush toxtitish kélishimige asasen shu yerning waqti 02:00 de axirilashqan idi.

israiliye armiyesining ghezze rayonigha qilghan hujumlirida 66 kichik bala we 39 ayalni qoshqanda, jemiy 248 pelestinlik shéhit bolghandin sirt, 1948 kishi yarilinip, 120 mingdin artuq kishi öy-makanliridin ayrilip qalghan idi.


خەتكۈچ: #ghezze , #israiliye

مۇناسىۋەتلىك خەۋەرلەر