б д т: уруш тохтитиш келишиминиң иҗра қилинғанлиқини көрүшни халаймиз

түркийә авази радийоси хәвири: бозқир, бирләшкән дөләтләр тәшкилати омумий кеңишида, исраилийә билән пәләстин оттурисида йүз бериватқан киризис музакирә қилинған йиғиндин кейин елан қилған байанатида, бирләшкән дөләтләр тәшкилати хәвпсизлик кеңишиниң, исраилийә - пәләстин киризиси алдида бирлик асасида һәрикәт қилалмаслиқи вә сүкүт қилиши сәвәблик, бирләшкән дөләтләр тәшкилати омумий кеңишиниң йиғин чақирғанлиқини, йиғинда, күчлүк сигналларни берилгәнлики вә сийасий ирадә мәсилисидә қизғин қоллашқа еришкәнликлирини әскәртти.

ғәззәдә һасил қилинған уруш тохтитиш келишиминиң үмид чириғи йандурғанлиқини, уруш тохтитиш келишиминиң иҗра қилинғанлиқини көрүшни халайдиғанлиқлирини ейтқан бозқир, омумий кеңәштики пәләстин йиғининиңму уруш тохтитишни ишқа ашурушта муһим рол ойниғанлиқини тәкитләш билән бир вақитта, уруш тохтитиш хәвиридин толиму хурсән болғанлиқлириниму сөзлиригә илавә қилди.