исраилийә армийәси ғәззәни бомбардиман қилишни давамлаштурмақта

түркийә авази радийоси хәвири: түркийә җумһурийити ички ишлар министири сүләйман сойлу, бөлгүнчи террорлуқ тәшкилати п к к ниң «софи нурәттин» тәхәллуслуқ әзасиниң уҗуқтурулуши мунасивити билән миллий истихбарат тәшкилати билән түркийә армийәсини тәбриклиди.

министир сүләйман сойлу, п к к ниң омумий сүрийә мәсули «софи нурәттин» тәхәллуслуқ террорчиниң бир тәрәп қилинғанлиқи мунасивити билән твиттердики адресида  учур һәмбәһрилиди.

у учурида, түркийәниң бәл қойувәтмәслик күришини қәтийлик билән давамлаштуруши, баш қомандан җумһур рәис рәҗәп таййип әрдоғанниң рәһбәрликидә софи нурәттинниң бир тәрәп қилинғанлиқини тәкитләп: «нөвәт өңкүрләрдин бешини чиқиралмайватқан башқа каттибашлирида. миллий истихбарат тәшкилати вә түркийә армийәсини тәбрикләймән» дегән ибариләргә орун бәрди.