isirailiye ghezzedin étilghan rakétalarni tosush üchün qanche pul xejleydu?

türkiye awazi radiyosi xewiri: ghezzedin étilghan her bir rakétani «tömur qubbe» namliq hawa qalqan mudapie sistémisi teripidin pachaqlap tashlashning, isirailiyeni 50 ming dollardin 100 ming dollarghiche chiqmgha uchritidighanliqi bildürüldi.

isirailiye taratquliridiki xewerlerde qeyt qilinishiche, hamasning 14 mingdin artuq rakétasining barliqi, bularning bir qismining yiraq musapiliq bolup, tél awiw, hayfa we eylat qatarliq sheherlerge yétip baralaydiken.

ibrani uniwérstéti dölet bixeterlik tetqiqatliri inistitutining tetqiqatchisi uzi rubin hamasning eng yéngi rakétalirining xirajitining nahayiti töwen ikenlikini eskertti.

u hamas rakétalirining pat yéqinda axirlishidighanliqini ret qilip, hamasning herbiy qaniti izzeddin elqassam birigadisi ishletken ayyash rakétasigha ima qilghan halda, isirailiye armiyesining hamasning eylat rayonigha yétip baralaydighan rakétasining barliqini aldin bilelmigenlikini we isirailiye istixbaratida yétersiz texminlerning barliqini qeyt qildi.

isirailiye dairiliri ghezzedin étilghan rakétalarni pachaqlap tashlashqa kétidighan xirajet toghrisida bayanat élan qilmidi. emma, ghezzedin isirailiyege yette künde 3 ming 100 rakéta étilghanliqi bildürüldi.

elqassam birigadisi musapisi 250 kilométirdin artuq bolghan we zor weyran qilish küchige ige ayyash rakétasining ishlitilishke bashlanghanliqini qeyt qilghan idi.