nigériyede yüz bergen qoralliq hujumlarda 100 din artuq adem qaza qildi

türkiye awazi radiyosi xewiri: nigériye mehelliy taratqulirining xewerlirige qarighanda, boko haram térrorluq teshkilati we bashqa qoralliq shaykilarning düshenbe künidin yekshenbe künigiche bolghan bir hepte ichidiki döletning oxshimighan jaylirida élip barghan térorluq hujumlirida 108 adem qaza qilghan, nurghun adem yarilanghan.

nigériyede jiddiy dawalghush peyda qilghan hujumlardin kéyin, nigériyening jenubidiki 17 wilayetning waliysi hökümetni bixeterlik mesilisi toghrisida jiddiy milliy söhbet ötküzüshni bashlashqa chaqirdi.

waliylar yene, pirézidént muhemmed buxarining döletning bixeterlik mesilisi toghrisida puqralargha xitab qilishi kéreklikini otturigha qoydi.

boko haramning 2009- yildin buyan nigériyede sadir qilip kéliwatqan keng kölemlik térorluq hujumlirida 20 mingdin artuq adem qaza qildi.

yüzminglighan kishi térorluq hujumliri we toqunushlar sewebidin rayondin köchüshke mejbur boldi.