israiliyening pelestinliklerge qilghan hujumida shéhit bolghanlarning sani 174 ke yetti
ghezzediki sehiye ministirliqi 10-maydin buyan israiliyening ghezzege qiliwatqan hujumlirida 47 kichik bala we 29 ayalni qoshqanda, jemiy 174 pelestinlikning hayatidin ayrilghanliqini élan qildi.
türkiye awazi radiyosi xewiri: pelestin sehiye ministirliqining bayanatchisi eshref el qudra sinliq bayanatida, xelqara jemiyetni israiliyening hujumlirini toxtitish üchün heriketke ötüshke we konkrét qedemlerni tashlashqa chaqirdi.
bu ariliqta, israiliye ghezzediki emgek we ijtimaiy tereqqiyat ministirliqi jaylashqan ikki binani bombardiman qildi.
israiliye armiyesi yene déngizdin ghezze shehiri déngiz sahilighimu hujum qildi.
israiliye urush ayropilanliri bolsa, ghezzening misir chégrasidiki ikki bixeterlik merkizini bombardiman qildi.
israiliye urush ayropilanliri yérim kéchidin kéyin ghezzening oxshimighan jaylirigha hawadin hujum qilghan idi.
ghezzening gherbidiki errimal rayonigha qilinghan hawa hujumida nurghun turalghular weyran bolup, 5 kichik bala bina xarabiliqliri astidin qutquzuwélinghan idi.
