исраилийәниң һуҗумлирида шеһит болғанларниң сани көпәйди

түркийә авази радийоси хәвири: исраилийә уруш айропиланлириниң, ғәззә райониниң ғәрбий қисмиға җайлашқан «шати <мусапирлар лагери>» да бир өйни бомбардиман қилиши нәтиҗисидә көпинчиси бала болуп, йәнә 10 пәләстинлик шеһит болди.

шуниң билән, 10 – майдин буйан шеһит болған пәләстинликләрниң сани 139 ға, йариланғанларниң сани 950 кә йәтти.

исраилийә уруш айропиланлири, түнүгүн кечиму ғәззә райониниң шималий қисмини тәхминән 30 қетим бомбардиман қилди.

маарип идарисиниң әтрапи, пуқраларниң өйлири вә бир җамә нишан қилинған бомбардиман нәтиҗисидә, районниң көп қисмида ток үзүлүп қалди.

йәнә бир тәрәптин, һамас сийасий бийуросиниң муавин мәсули салиһ әл арури, ғәззәдә қуруқлуқтин башлитилидиған һәрбий һәрикәтниң, исраилийә үчүн палакәт болидиғанлиқини вә уруш тәңпуңлуқини өзгәртидиғанлиқини ейтти.

исраилийәниң ғәззәгә қуруқлуқтин һуҗум қозғиғанлиқи тоғрулуқ ахбарат васитилирида чиққан хәвәрләр һәққидә һамасқа аит «әләқса <телевизийә қанили>» да байанат елан қилған арури, тиркишиш күчлириниң, дүшмән (исраилийә) ни һәйран қалдуридиған күчкә игә икәнликини вә қолида илгири ишлитилгән қорал – йарағлардинму илғарлириниң барлиқини қәйт қилди.