israiliye bash ministiri bayanatliri arqiliq jiddiylikni téximu kücheytmekte

bir terepte israiliye saqchilirining pelestinliklerge qaratqan hujumliri dawamlishiwatqan bolsa, yene bir tereptin israiliye bash ministiri bényamin nétanyahu élan qilghan bayanatliri arqiliq  jiddiylikni téximu kücheytishni dawamlashturmaqta.

1638345
israiliye bash ministiri bayanatliri arqiliq jiddiylikni téximu kücheytmekte

türkiye awazi radiyosi xewiri:  nétanyahu: «biz urushning otturisida turuwatimiz we pütün küchimiz bilen hujum qilishni dawamlashturimiz» dédi.

binyamin nétanyahu dölet mudapie ministiri bénniy gantiz we armiye bash ishtab bashliqi awiw kochawinimu öz ichige alghan herbiy emeldarlar bilen yighin achti.

binyamin nétanyahu israiliyening hujumlirigha rakitamiyot bilen taqabil turup kéliwatqan hamasni «ular zor bedel töleydu» dégen sözliri arqiliq hujum nishani qildi we urushning waqit alidighanliqini tekitlep, «biz israiliye xelqining bixeterlikige kapaletlik qilimiz» dédi.

nitaniyahu yene hujumning küchini we süritini ashuridighanliqinimu tekitlidi.

israiliye dölet mudapie ministiri bénniy gantiz bolsa, ghezzediki nishanlargha qarita hazirghiche qilinghan hujumlarning peqet bir bashlinish ikenlikini éytti.

ghezze rayonidiki pelestin qarshiliq körsitish guruppiliri, israiliye saqchilirining ishghaliyet astidiki meschit aqsadin we sheyx jerrah mehellisidin chékinishi üchün bérilgen möhlet toshqandimu chékimigenlikige qarita israiliyege nurghun rakétamiyot atqan we 5 israiliyelik ölgen idi.

buninggha qarita israiliye armiyesi ghezze rayonigha qarshi «sépilni qoghdash» namliq herbiy heriketning bashlanghanliqini élan qilghan idi.

 



مۇناسىۋەتلىك خەۋەرلەر