israiliyening hujumlirida shéhit bolghanlarning sani 24 ke yetti

türkiye awazi radiyosi xewiri: ghezzediki sehiye ministirliqi bayanat élan qilip, israiliyening eng yéngi hujumlirida yene üch kishining qaza qilishi bilen jemiy qaza qilghanlar sanining 24 ke yetkenlikini uqturdi.

puqralar qoghdinish etritining bir emeldari, eng yéngi hujumlardiki adem ölüsh ehwalining ghezzening gherbidiki bir öyde meydangha kelgenlikini؛ mezkur öydiki jénidin ayrilghan üch kishining birining ayal, birining bir méyip pelestinlik ikenlikini bildürdi.

yene bir tereptin, pelestin dölet reisi mehmud abbasning, israiliyening ghezzege qaratqan hujumlirida nurghun kishining shéhit bolghanliqini, bu munasiwet bilen roza héytni tebriklesh paaliyetlirini emeldin qaldurup, bayraqlarni yérim chüshürüsh toghrisida qarar chiqarghanliqi bildürüldi.

ghezze sehiye ministirliqining buningdin ilgiriki bayanatida, israiliyening hujumlirida toqquz nepiri kichik bala bolup jemiy 21 kishining shéhit bolghanliqi, 95 kishining yarilanghanliqi qeyt qilinghanidi.

düshenbe küni yérim kéchide israiliye armiyesi ghezzede herbiy heriket élip bérishni bashlighanliqini, ghezzege hawadin zerbe bérilgenlikini, ghezze tereptin israiliyening jenubigha giranatamyot étilghanliqini uqturghanidi.