dunya elliri israiliyeni eyibleshni dawamlashturmaqta
wénézuéla muawin tashqi ishlar ministiri, qoshumche yawropagha mesul ministir yardemchisi ywan gil bilen méksika tashqi ishlar ministirliqi, israiliyening mesjidi eqsa we ghezzege qilghan hujumlirigha küchlük naraziliq bildürdi.
1637861
türkiye awazi radiyosi xewiri: gil özining tiwittérdiki adrésida israiliyening ghezzege qaratqan hawa hujumlirining foto – süretlirini ortaqliship: «insanlarning démokratiyesi hujumgha uchrighanda özini kishilik hoquq qoghdighuchisi dep jakarlighanlar, irqiy qirghinchiliq aldida süküt qilmaqta! emdi qirghinchiliq toxtitilsun!!» dégenlerni qeyt qildi.
méksika tashqi ishlar ministirliqimu twittérdiki adrési arqiliq bayanat bérip, sheyx jerrah mehelliside yashaydighan pelestinliklerning öy – makanliridin köchürüwétilishining kishini endishige salidighanliqini bildürdi we quddus, ghezze we bashqa rayonlarda yüz bériwatqan zorawanliq weqeliridin chongqur endishe qiliniwatqanliqini otturigha qoyup, téximu köp kishining ziyankeshlikke uchrap ketmesliki üchün, her ikki terepni soghuqqan bolushqa chaqirdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.