somalidiki bir saqchixana adem bomba hujumigha uchridi

türkiye awazi radiyosi xewiri: somali paytexti muqdishuda bir saqchixana nishan qilinghan hujumda, ikki saqchini öz ichige alghan alte kishi jénidin ayrildi.

somali dölet taratquliridiki xewerlerde, muqdishugha qarashliq waberi rayonidiki saqchixanining adem bomba hujumigha uchrighanliqi bildürüldi.

muqdishu saqchi idarisining bayanatida: «waberi rayonidiki saqchixana nishan qilinghan adem bomba hujumida, saqchi bashliqi ehmet bashane we qomandan yardemchisi abdibasitni öz ichige alghan alte kishi jénidin ayrildi» déyildi.

somali bash ministiri hüseyin robl twittérda eyibligen hujumgha, hazirche héchqandaq teshkilat yaki shexs jawabkar bolidighanliqini jakarlimidi.