london xelqi musulman sheher bashliqi sadiq xandin intayin memnun

türkiye awazi radiyosi xewiri:  paytext londonda texminen 6 milyon saylighuchi sheher bashliqi we sheherlik hökümet kéngesh ezalirini saylash üchün 6 – mayda bélet tashlighan bolup, saylamning resmiy netijisi élan qilindi.

ishchilar partiyesining namzatliri bilen hakimiyet béshidiki konsérwatiplar partiyesining namzatliri otturisidiki riqabette, ishchilar partiyesi namzati sadiq xan 1 milyon 206 ming 34 saylighuchining awazigha ériship, qaytidin sheher bashliqli boldi.

sadiq xanning eng yéqin reqibi konsérwatiplar partiyesining namzati shawn beyléy bolsa, 977 ming 601 béletke érishti.

shundaq qilip sadiq xan 2016-yildiki saylam ghelbisidin kéyin, ikkinchi qétim yene 5 yilghiche paytextni bashqurush hoquqigha ége boldi.

sadiq xan köchmen bir pakistanliq ailining perzenti bolush sbpiti bilen 1970-yili londonda tughulghan bolup, saylamda %55.2 béletke érishti.

sadiq xan netije élan qilinghandin kéyin qilghan sözide, «kowid-19 yuqumining qarangghu künliridin kéyin, londonda téximu parlaq bir kelgüsi qurush üchün tirishidighanliqini bildürdi.

saylamda yéshillar partiyesining kandidati sian bérri %7.8 awazgha we erkin démokratlar partiyesining kandidati luisa porrit bolsa, %4.4  awazgha érishti.