amérika afghanistan qisimlirini bashqa dölette terbiyelishi mumkin

amérika armiye ishtab bashliqi mark milléy (Mark Milley) amérikaning kelgüside afghanistan armiye qisimlirini bashqa dölette terbiyelesh mumkinlikini éytti.

1635758
amérika afghanistan qisimlirini bashqa dölette terbiyelishi mumkin

türkiye awazi radiyosi xewiri: amérika armiye ishtab bashliqi mark milléy (Mark Milley) we dölet mudapie ministiri lloyd ostin (Lloyd Austin) besh burjeklik binada birlikte axbarat élan qilish yighini ötküzüp, afghanistandin chékinish musapisi toghrisida toxtaldi.

mark milléy: « herbiy jehettiki asasiy meqsitimiz, afghanistandiki amérika eskerlirining pilanliq, bixeter we sistémiliq halda chékinishini emelge ashurush üchün wezipe almashturushtur» dédi.

u amérika pirézidénti jo baydinning chékinish üchün séntebir (2021) giche waqit bergenlikini we bu waqit ichide chékinishni axirlashturidighanliqlirini qeyt qildi.

u talibanning afghanistan qisimlirigha hujum qilishni dawamlashturuwatqanliqini we bu hujumlarning amérika chékinish musapisini bashlighandin kéyinmu dawamlashqanliqini eskertti.

u «afghanistan eskerlirining bashqa dölette terbiyelinip-terbiyelenmeydighanliqi» heqqidiki soalgha: «elbette, bashqa dölette telim-terbiye bérilishi mumkin. nurghun tallash yolimiz bar, biraq hazir diqqitimizni chékinishke merkezleshtürduq, pilanlirimizni tamamliduq» dédi.

amérika dölet mudapie ministiri ostin chékinish musapisining texminen bir hepte burun bashlanghanliqini we chékinishning hazirghiche pilan boyiche ilgiriligenlikini uqturdi.



مۇناسىۋەتلىك خەۋەرلەر