kolombiyediki namayishlarda ölgenler sani dawamliq köpeymekte

kolumbiyediki yette kündin béri dawamlishiwatqan baj islahatigha qarshi keng kölemlik namayishlarda hayatidin ayrilghanlar sani yéngidin qaza qilghan ikki kishini qoshqanda jemiy 26 ge yetti.

1635786
kolombiyediki namayishlarda ölgenler sani dawamliq köpeymekte

türkiye awazi radiyosi xewiri: kolombiye ombudsman ishxanisi bayanat élan qilip, 28 - apréldiki omumyüzlük ish tashlash herikiti bilen teng bashlinip ketken baj islahatigha qarshi namayishlarda qaza qilghanlar sanining 24 tin 26 ge köpeygenliki uqturdi.

namayishlar bashlanghandin buyan kolombiye miqysaida yoqap ketkenliki melum qilinghan 145 ademning 55 ining tépilghanliqi, qalghan 90 kishini izdesh xizmetlirining dawamlishiwatqanliqi bildürüldi.

kolumbiye emgek ministiri angél kastodio kabréra, hökümetning memliketlik ish tashlash komitéti wekilliri bilen belgilengen möhlettin burun söhbetlishishke teyyar ikenlikini éytti.

u, pirézidént iwan duk bilen memliketlik ish tashlash komitéti wekillirining 10 – mayda ötküzülüshi qarar qilinghan söhbitini téximu baldur ötküzüshke bolidighanliqini, hökümet qanitining buninggha teyyar ikenlikini jakarlidi.

kabéra, namayishlar jeryanidiki barliq zorawanliq heriketlirini toxtitishqa chaqirdi.


خەتكۈچ: #namayish , #kolombiye

مۇناسىۋەتلىك خەۋەرلەر