өлүм җазаси иҗра қилинди, бигунаһ икәнлики 29 йил өткәндин кейин оттуриға чиқти

түркийә авази радийоси хәвири: ледел ле (Ledell Lee) 1993-йили аркансаста қошниси дебра рес (Debra Reese) ни өлтүрүш билән әйибләнгән вә 2017-йили өлүм җазаси иҗра қилинған.

ледел лениң аилиси өткән йили (2020) дәвасида қошумчә тәкшүрүшләрни тәләп қилди.

иҗтимаий тәшкилатлар д н а тәкшүрүшиниң, җинайәт өткүзүлгән нәқ мәйдандин елинған дәлилләрдә кимлики намәлум бир әр кишиниң генлириниң тепилғанлиқини көрситидиғанлиқини елан қилди.

қошумчә тәкшүрүш вә бармақ изи анализиниң бир нусхисини ашкарилиған гуруппилар, өлүм җазаси иҗра қилинған ледел ледин башқа бир әр кишиниң д н а синиң, җинайәт қорали болған йағач калтәк сепида вә қорални ориған көңләкниң үстидә байқалғанлиқини билдүрди.

бәш бармақ изи тәтқиқатчилири қолға чүшүрүлгән бармақ излирини тәкшүрүп, һечбириниң ледел лениң әмәсликини елан қилди.

америка «бигунаһ лайһәси» ниң пешқәдәм мәслиһәтчиси нина моррисон (Nina Morrison): «дәлил-испатлар топлинип аридин 29 йил өткәндә, нәтиҗиләрниң кәмчил вә қисмән икәнлики испатланди. ледел ле сотланған вақитта болмиған йеңи DNA архипиниң бар болуши диққәт қилишқа әрзийду» деди.

әсли африқалиқ болған ледел ле аркансаста 10 йилдин артуқ вақиттин буйан өлүм җазасиға һөкүм қилинған тунҗи мәһбус иди.