amérika: afghanistandin chékinish %2 bilen %6 ariliqida ishqa ashuruldi

türkiye awazi radiyosi xewiri: amérika pirézidénti jo baydinning 11 – séntebir weqesining xatire künigiche afghanistandiki amérika eskerlirini toluq chékindürüp bolush toghrisidiki qararidin kéyin bashlanghan esker chékindürüsh xizmetliri dawamlashmaqta.

amérika merkiziy qisimlar qomandanliqi  bayanat élan qilip, pirézidéntning qararidin buyan, texminen 60 dane C-17 tipliq ayropilan yüki afghanistandin yötkep kétildi, dégenlerni qeyt qildi.

amérikaning afghanistandiki «New Atontik» herbiy bazisini afghanistan armiyesige ötküzüp bergenlikige isharet qilinghan bayanatta: «merkiziy qisimlar qomandanliqi chékinishning %2 bilen %6 ariliqida ishqa ashurulup bolghanliqini mölcherlimekte» dégen ibarilerge orun bérildi.

bayanatta, qomandanliqning her hepte bayanat élan qilip, texminen chékinish nisbiti heqqide chüshenche béridighanliqi eskertildi.

amérika hökümiti 2020- yili 2- ayning 29- küni talibanlar bilen kélishim tüzgen we 2021- yili 5- ayning 1- küni afghanistandin chékinish toghrisida birdeklik hasil qilghanidi.

pirézidént jo baydin hökümiti, 1- maydin 11- séntebirgiche bolghan ariliqta afghanistandin pütünley chékinip bolidighanliqlirini élan qilghanidi.