kolumbiyediki namayishlarda 19 kishi qaza qildi
kolumbiyede 28- apréldin béri dawamlishiwatqan baj islahatigha qarshi keng kölemlik namayishlarda, hayatidin ayrilghanlarning sani 19 gha we yarilanghanlarning sani 846 ge yetti.
türkiye awazi radiyosi xewiri: namayish merkizi bolghan paytext bogotaning tarixi boliwar meydanigha qarap yürüsh qilghan namayishchilar, qollirida lozunkilarni kötürüshüp, pirézidént iwan dukning iqtisadiy siyasitige naraziliq bildürdi.
bolupmu médéllin, jali we barrankula qatarliq sheherlerde meydanlarda yürüsh qilghan minglighan kishi hökümetke we saqchilarning namayishchilargha tutqan pozitsiyisige étiraz bildürdi.
topilanggha taqabil turush qismidiki saqchi xadimliri bilen namayishchilar otturisida bogotaning bezi rayonlirida toqunush yüz berdi.
saqchilar zorawanliq weqelirini keltürüp chiqarghan dégen seweb bilen hazirghiche 431 kishini qolgha aldi.
dölet mudapie ministiri diégo molano élan qilghan bayanatida, kochidiki zorawanliq weqelirige qarita sabiq kolumbiye inqilabi qoralliq küchliri we markisizm teshkilati milliy azadliq armiyesini eyiblidi.
