birmadiki toqunushlarda sekkiz esker öldi

türkiye awazi radiyosi xewiri: chinlend mudapie qisimlirining nam-sheripini ashkarlashni xalimighan bir mesuli birma «Now» xewerler torining ziyaritini qobul qilghanda, 2-3- may künliride ishtatqa qarashliq xaxa shehiride birma armiyesi bilen toqunush yüz bergenlikini bildürdi.

mesul xadim birma armiyesining puqralargha qilghan hujumlirigha qarshiliq körsetkenliklirini bildürüp, toqunushlarda birma armiyesining sekkiz eskirining ölgenlikini eskertti.

chinlend mudapie qisimliri 1-féwral yüz bergen herbiy özgirishtin kéyin, namayishchilarni birma armiyesidin qoghdash üchün qurulghan idi.

herbiy özgirishtin buyan birma hawa armiye qisimliridin texminen 80 xadim, herbiy hakimiyetning buyruqlirigha qarshi chiqip namayishchilar sépige ötti.

birma herbiy hakimiyiti dölet ichide xelqaraliq téléwiziye qanallirigha ulinidighan süniy hemrah qobul qilish antinaliri ishlitishni cheklidi.

birmaning b d t diki daimiy wekili kyaw motun amérikani birma armiyesige téximu köp émbareo yürgüzüshke chaqirdi.

birma armiyesi 2020-yili 8-noyabir ötküzülgen saylamda saxtipezlik qilinghanliqining ilgiri sürülüshi bilen dölet ichide siyasiy yirikchilik keskinleshkendin kéyin, 1-féwral (2021) hökümetni ötküzüwalghan idi.

birma armiyesi birmaning emeliyettiki rehbiri we tashqi ishlar ministiri ang san suchi qatarliq dölet we hakimiyet béshidiki partiyening rehberlirini tutqun qilip, bir yilliq jiddiy halet élan qilghan idi.

birma armiyesining herbiy özgirishke qarshi chiqqan namayishchilarni qoralliq basturushi netijiside hazirghiche 769 puqra jénidin ayrildi.