америка мәркизий ахбарат идарисиниң вирҗинийәдики мәркизи алдида бир киши етиветилди
америка федератсийә тәкшүрүш идариси (FBI) мәркизий ахбарат идариси (CIA) ниң вирҗинийәдики мәркизиниң алдида қораллиқ гуманлиқ бир кишиниң хәвпсизлик күчлири тәрипидин етип өлтүрүлгәнликини елан қилди.
түркийә авази радийоси хәвири: америка федератсийә тәкшүрүш идариси (FBI) мәркизий ахбарат идариси (CIA) ниң вирҗинийәдики мәркизиниң алдида қораллиқ гуманлиқ бир кишиниң хәвпсизлик күчлири тәрипидин етип өлтүрүлгәнликини елан қилди.
америка федератсийә тәкшүрүш идариси вашингтондики мәркизиниң бу һәқтики байанатида: «федератсийә тәкшүрүш идариси 2021-йили 3-май (дүшәнбә) шу йәр вақти кәч саәт 06:00 дә, федератсийә тәкшүрүш идарисиниң бир хадими арилашқан қораллиқ вәқә тәкшүрүлүватиду. мәркизий ахбарат идарисиниң вирҗинийәдики мәркизиниң алдида бихәтәрлик вәқәсигә арилашқан қораллиқ бир киши аптомобилидин чүшүп хәвпсизлик күчлиригә оқ атти» дейилди.
америка мәркизий ахбарат идарисиниң байанатида, вәқәниң «бихәтәрлик вәқәси» икәнликини билдүрүп: «мәркизимизниң әһвали бихәтәр. вәқәгә арилашқан хадимимиз пәқәт вәқәни тәкшүргән аманлиқ сақлаш хадимимиздур» дейилди.
мәркизий ахбарат идариси вәқә йүз бәргәндин кейин бихәтәрлик тәдбирлирини күчәйткәнликини уқтурди.