méksikada bir métro ötüshme köwrüki üstidiki poyiz wagonliri bilen birlikte örülüp chüshti

méksikada métro ötüshme köwrüki örülüp chüshüp, 15 kishi qaza qildi we  70 kishi yarilandi.

1633487
méksikada bir métro ötüshme köwrüki üstidiki poyiz wagonliri bilen birlikte örülüp chüshti

türkiye awazi radiyosi xewiri: méksika metbuatlirining xewerlirige asaslanghanda, alaqidar mesullar paytext méksikida rémont qiliniwatqan métro ötüshme köwrükining bir qismining üstidiki poyiz wagonliri bilen birlikte örülüp chüshkenlikini élan qilghan.

alaqidar tarmaqlar wagonlarning ötüshme köwrükining astidiki aptomobillarning üstige chüshüp ketkenlikini bildürgen.

weqede 15 kishining qaza qilghanliqi we 70 kishining yarilanghanliqini uqturghan alaqidar mesullar, ötüshme köwrükining yoldin égizlikining texminen 5 métir ikenlikini eskertken.

qutquzush etretliri neq meydangha ewetilishi bilen izdep qutquzush xizmetlirining bashlanghanliqi bildürülmekte.


خەتكۈچ: #poyiz weqesi , #méksika

مۇناسىۋەتلىك خەۋەرلەر