xitayning b d t diki daimiy wekili birmadiki kirizis toghrisida toxtaldi

türkiye awazi radiyosi xewiri: xitayning birleshken döletler teshkilati (b d t) diki daimiy wekili jang jün, herbiy siyasiy özgirishtin kéyin birma weziyitige her qandaq shekilde arilishishning qalaymiqanchiliq keltürüp chiqiridighanliqini we jiddiylikni téximu kücheytidighanliqini otturigha qoyup, kirizisni hel qilishta rayon organlarning téximu köp rol oynishini tewsiye qildi.

5 - ayda b d t bixeterlik kéngishining reislik wezipisini tapshuruwalghan xitayning b d t diki bash elchisi jang jün axbarat élan qilish yighini ötküzüp, küntertiptiki soallargha jawab berdi.

jang, xitayning bérmida ichki urushning partlishidin endishe qilip – qilmaywatqanliqi toghrisida toxtilip, bérmaning nurghun az sanliq millet bar dölet ikenlikini, her qandaq shekildiki xata arilishishning qalaymiqanchiliq keltürüp chiqiridighanliqini we jiddiylikni téximu kücheytidighanliqini éytip agahlandurdi.

u, xitayning kirizisni hel qilish yolidiki diplomatik tirishchanliqni qollaydighanliqini bayan qilip: «rayon döletliri, rayon teshkilatliri rayon mesililirini hel qilishta téximu küchlük rol oynishi kérek, chünki ular weziyetni téximu yaxshi chüshinidu». dédi.