baydin hökümiti köchmen qobul qilish cheklimisini ashurdi
amérika qoshma ishtatliri pirézidénti jo baydin, aldinqi pirézidént donald tramp hökümiti 2021 – yilliq iqtisadiy ishlar dairiside békitken 15 ming köchmen qobul qilish cheklimisini 62 ming 500 ge chiqardi.
1633368
türkiye awazi radiyosi xewiri: baydin, tramp hökümiti dewride dölet tarixidiki eng töwen sewiyege chüshürülgen köchmen qobul qilish cheklimisi toghruluq yazma bayanat élan qildi.
bayanatta, 2021 – yilliq iqtisadiy ishlar dairiside köchmen qobul qilish cheklimisini 62 ming 500 ge chiqarghanliqlirini eskertken baydin, mundaq dédi: «tarixiy jehettin eng töwen sewiye bolghan 15 ming köchmen qobul qilish cheklimisi, amérika qoshma ishtatlirining millet bolush süpiti bilen köchmenlerni qobul qilghanliqi we yardem bergenlikidin ibaret heqiqetni eks ettürmeytti.»
jo baydin yene, 2022 – yilliq iqtisadiy ishlar dairisidimu köchmen qobul qilish cheklimisini 125 minggha yetküzüshni nishan qiliwatqanliqlirini bildürdi.
