bérmada 1 parlamént ezasi bomba hujumi arqiliq öltürüldi
bérmaning bago ölkiside parlamént ezasini nishan qilghan bomba hujumida 5 kishi hayatidin ayrildi.
türkiye awazi radiyosi xewiri: «Myanmar Now» torining xewirige asaslanghanda, bago ölkisige qarashliq zé olak yézisida tünügün shu yerning waqti 17:00 de , milliy démokratik partiyesi (NLD) ning parlamént ezasi tét xlayin win turushluq rayonda, 3 bomba partilighan.
partilashta parlamént ezasi windin bashqa yene üch saqchi we bir puqra qaza qilghan.
parlamént ezasi win siyasiy özgirishtin kéyin aghdurulghan sabiq tashqi ishlar ministiri we döletning emeliy rehbiri ang san su chiy bilen bolghan yéqin munasiwiti bilenmu hemmige tonulghan kishi idi.
hujumni kimning élip barghanliqigha dair resmiy bayanat élan qilinmidi, emma siyasiy özgirishke qarshi paaliyetchiler bu hujumni herbiy hökümet terepdari shaykilarning qilghanliqini ilgiri sürmekte.
yene bir tereptin, bagoda saqchilarningmu siyasiy özgirishke qarshi namayishtin orun élip, puqrawi itaetsizlik heritiki bashlighanliqi bildürülmekte.
