yawropa ittipaqi komitéti sayahet cheklimilirini emeldin qaldurushni teklip qildi

yawropa ittipaqi komitéti eza döletlerge yawropa ittipaqi teripidin testiqlanghan wuxen wirusi (Kovid-19) waksinalirini emletken kishilerge mewjut sayahet cheklimilirini emeldin qaldurushni tewsiye qildi.

1633175
yawropa ittipaqi komitéti sayahet cheklimilirini emeldin qaldurushni teklip qildi

türkiye awazi radiyosi xewiri: yawropa ittipaqi komitétining bayanatida, yawropa ittipaqi puqraliri yaki yawropa ittipaqi döletliride turush ruxsiti bolmighan kishilerning yawropa ittipaqigha mejbur qalmighan ehwalda qilidighan sayahetliride ijra qilinghan mewjut cheklimilerni, waksina emlesh we döletliridiki wuxen wirusigha munasiwetlik weqeler nezerge élinghan halda boshitishning teklip qilinghanliqi bildürüldi.

komitétning teklipi eza döletler teripidin qobul qilinsa, yawropa ittipaqi testiqlighan ikki qétimliq wuxen wirusi waksinasini emletken kishiler, yawropa ittipaqi döletliride sayahet qilalaydu. sayahetler üchün ikkinchi qétimliq waksina emlitip aridin 14 kün ötken bolushi kérek.

yawropa ittipaqi biyonték-fayzér (BioNTech-Pfizer ), modérna (Moderna), astrazénéka (AstraZeneca) , jonson we jonson (Johnson and Johnson) waksinalirini testiqlidi. bu waksinalarning ichide jonson we jonson waksinasi birla qétim emlitilidu.

yawropa dora agéntliqi (EMA) kiyurwak (Curevac), nowawaks (Novavax) we V –sputnik waksinalirini bahalimaqta. hazirche bu waksinalargha testiq élish üchün iltimas sunulmidi.

wuxen wirusigha munasiwetlik weqeler sani az bolghan yette dölettin yawropa ittipaqigha erkin sayahet qilishqa yol qoyulidu. bu döletler, awstiraliye, yéngi zélandiye, rwiwanda, singapor, jenubiy koréye, tayland we xitay. bu döletlerning ichide, yawropa ittipaqi testiqlighan ehwalda xitaygha ruxset qilinidu.



مۇناسىۋەتلىك خەۋەرلەر