antoni blinkén: xitayning tajawuzchi heriketliri kücheymekte
amérika tashqi ishlar ministiri antoni blinkén xitayning tajawuzchi heriketlirining kücheygenlikini éytti.
türkiye awazi radiyosi xewiri: amérika tashqi ishlar ministiri antoni blinkén amérikaning «CBS» qanili bilen ötküzgen söhbet pirogrammisida, amérika -xitay munasiwetliri üstide toxtaldi.
antoni blinkén amérikaning xitayni bésim astida tutushni xalimaydighanliqini, biraq shuning bilen birge yene, qaide – qanunni asas qilghan xelqara tüzümge ziyan yetküzüshigimu yol qoymaydighanliqini tekitlidi.
antoni blinkén herbiy sahede tirkishishning bolsa, her ikki döletning menpeetige uyghun emeslikini eskertti.
u amérika pirézidénti jo baydin bilen xitay dölet reisi shi jinpingning féwralda téléfonda ikki saet dawamlashqan tunji söhbitide, nurghun mesililerni muzakire qilghanliqlirini bildürdi.
u: «baydin éniq qilip, xitayning iqtisadiy boshluq yaritish we pikri- mülkiyet hoquqini oghrilash qatarliq her sahediki nurghunlighan qilmishlirigha qarita endishilirimiz barliqini chüshendürdi» dédi.
u amérikaning xitayning mesilisi bilen bolushtek heshemetchiliki yoqluqini eskertti.