антони блинкен: хитайниң таҗавузчи һәрикәтлири күчәймәктә
америка ташқи ишлар министири антони блинкен хитайниң таҗавузчи һәрикәтлириниң күчәйгәнликини ейтти.
түркийә авази радийоси хәвири: америка ташқи ишлар министири антони блинкен американиң «CBS» қанили билән өткүзгән сөһбәт пирограммисида, америка -хитай мунасивәтлири үстидә тохталди.
антони блинкен американиң хитайни бесим астида тутушни халимайдиғанлиқини, бирақ шуниң билән биргә йәнә, қаидә – қанунни асас қилған хәлқара түзүмгә зийан йәткүзүшигиму йол қоймайдиғанлиқини тәкитлиди.
антони блинкен һәрбий саһәдә тиркишишниң болса, һәр икки дөләтниң мәнпәәтигә уйғун әмәсликини әскәртти.
у америка пирезиденти җо байдин билән хитай дөләт рәиси ши җинпиңниң февралда телефонда икки саәт давамлашқан тунҗи сөһбитидә, нурғун мәсилиләрни музакирә қилғанлиқлирини билдүрди.
у: «байдин ениқ қилип, хитайниң иқтисадий бошлуқ йаритиш вә пикри- мүлкийәт һоқуқини оғрилаш қатарлиқ һәр саһәдики нурғунлиған қилмишлириға қарита әндишилиримиз барлиқини чүшәндүрди» деди.
у американиң хитайниң мәсилиси билән болуштәк һәшәмәтчилики йоқлуқини әскәртти.
مۇناسىۋەتلىك خەۋەرلەر
москвадики һуҗумда җенидин айрилғанларниң сани ашти
русийә пайтәхти москвада йүз бәргән террорлуқ һуҗумида җенидин айрилғанларниң сани 143 кә чиқти.