taliban amérikani eyiblep qattiq agahlandurdi
taliban amérikani 1-mayghiche afghanistandin eskerlirini chékindürmey, 2018-yilliq doha kélishimige xilapliq qilghanliqi bilen eyiblidi we amérikagha qarshi «qayturma heriket» élip bérish bilen agahlandurdi.
türkiye awazi radiyosi xewiri: taliban élan qilghan bayanatida, kélishimge amérikaning xilapliq qilghanliqining talibanning heriketke ötüsh yolini achqanliqi eskertilip, taliban rehberlirining bu mesile toghrisida qarar maqullishini kütüwatqanliqini we shuninggha asasen heriket qilidighanliqlirini tekitlidi.
qatarning paytexti dohada aylarche dawamlashqan muzakirilerdin kéyin, taliban bilen amérika otturisida 2018-yili maqullanghan kélishimge asasen, barliq chetel qisimliri 1-mayghiche afghanistandin ayrilishi kérek idi.
amérika pirézidénti jo baydin afghanistanda qalghan 2500 amérika eskirining hemimini 11-séntebirgiche chékinidüridighanliqini élan qilghan idi.
yene bir tereptin, amérikaning afghanistanning jenubidiki herbiy bazisi jaylashqan qendihar ayrodorumigha rakéta hujumi élip bérildi.
afghanistandiki amérika qisimliri bayanatchisi soniy léggét hujumda héchkishining yarilanmighanliqini éytti.
léggét amérika eskerlirining qendihar ayrodorumigha qilinghan hujumgha jawap qayturghanliqini we yene ayrodorumgha étishqa teyyar bir qanche rakéta bombisiningmu pachaqlap tashlanghanliqini uqturdi.
hujumning jawabkarliqini téxiche héchkishi öz üstige almidi.
taliban apréldimu qendihar ayrodorumigha hujum qilghan idi.