yemende urushtin qépqalghan oq-dorilar balilarning jénigha zamin bolmaqta
yemenning gherbige jaylashqan hudeybe bilen jenubidiki taiz sheherliride yüz bergen partlashta, besh kichik bala jénidin ayrildi.
türkiye awazi radiyosi xewiri: b d t hudeybe kélishimini qollash pirogrammisining yazma bayanatida, hudeybening elmurawwa nahiyeside partlatquchlarning partlishi netijiside, üch kichik balining jénidin ayrilghanliqi qeyt qilindi.
bayanatta, yemendiki tereplerge, turalghu jaylirida urushtin éship qalghan oq-dorilarni tazilash chaqiriq qilindi.
taizning gherbidiki makbana nahiyeside, husiylarning ménamiyot oqining partlishi sewebidin ikki kichik bala jénidin ayrildi.
husiylar partlashqa munasiwetlik héchqandaq bayanat élan qilmidi.
yemende iranning qollishi astidiki husiylar 2014-yilidin buyan paytext sanaa we bezi rayonlarning kontrolluqini qolida tutup kelmekte.
seudi erebistan bashchiliqidiki birleshme qisim 2015-yildin tartip husiylargha qarshi yemen hökümitini qollap kelmekte.
