birmada jénidin ayrilghan namayishchilar sani 759 gha chiqti
birmada herbiy özgirish we xelq teripidin saylanghan hökümet ezalirining tutqun qilinishigha qarshi ötküzülüwatqan namayishlarda, xewpsizlik qisimlirining qoralliq basturushi sewebidin jénidin ayrilghanlarning sani 759 gha chiqti.
türkiye awazi radiyosi xewiri: sherqiy jenubiy asiya döletliri ittipaqi yighinida, birmada zorawanliqlarni baldurraq toxtitish qarari élinghan bolsimu, yene toqquz kishi öltürüldi.
birma siyasiy tutqunlargha yardem jemiyiti kündilik doklatida, yéqinqi 24 saette üch kishining jénidin ayrilghanliqining toghrilanghanliqini we jemiy jénidin ayrilghanlar sanining 759 gha chiqqanliqini, 3 ming 461 kishining tutulghanliqini, 1 ming 276 kishi üstide tutush buyruqining barliqini élan qildi.
hindonéziyede 24-aprél ötküzülgen sherqiy jenubiy asiya döletliri ittipaqi rehberler yighinida, birmada zorawanliqlarni baldurraq axilashturush qarari chiqirilghan idi. melumatlargha asaslanghanda, sherqiy jenubiy asiya döletliri ittipaqi yighinidin buyan birmada armiyening qoraliq basturushi netijiside, toqquz kishi jénidin ayrilghan.
