eliyéw blinkéngha ezerbeyjanning baydinning bayanatidin biaram bolghanliqini éytqan

türkiye awazi radiyosi xewiri: amérika tashqi ishlar ministirliqining bayanatchisi néd prays (Ned Price), tashqi ishlar minstiri blinkén bilen ezerbeyjan pirézidénti ilham eliyéwning téléfon söhbiti toghrisida bayanat élan qildi.

u: «ministir blinkén bilen pirézidént ilham eliyéw amérika bilen ezerbeyjan otturisidiki ikki terep munasiwetlirining ehmiyitini tekitlidi we nurghun mesililerni muzakire qildi. ministir blinkén kishilik hoquq we asasiy heq-hoquq erkinliklerning ehmiyitini tekrarlidi. yawropa xewpsizlik we hemkarliq teshkilati dairiside, minsk guruppisining rayondiki barliq xelqlerge paydiliq bolghan taghliq qarabagh  toqunushlirigha uzun muddetlik hel qilish charisi tépish tirishchanliqlirining ehmiyitini alahide tekitlidi» dédi.

u ezerbeyjan pirézidénti ilham eliyéwning amérika pirézidénti jo baydinning 1915-yil weqelirini «irqiy qirghinchiliq» dep atighanliqi üstide toxtilip: «türkiye ezerbeyjanning yéqin dosti we ittipaqdishidur. urushtin kéyinki mezgilde rayonimizda intayin muhim we ijabiy rollarni oynimaqta. amérika pirézidénti jo baydinning mezkur bayanati, ezerbeyjan hökümiti we xelqini biaram qildi» dégenlikini eskertti.