хитайниң лйавниң авийаматкаси йапонийә тәвәликигә йеқин җайдин өткән
хитайниң «лйавниң» авийаматкаси йапонийәниң җәнубидики окинава иштати билән мийакоҗима арилиниң оттурисидин өтти.
түркийә авази радийоси хәвири: йапонийә «NHK» ниң дөләт мудапиә министирлиқидин елинған мәлуматларға асасән елан қилған хәвиридә билдүрүлишичә, хитайниң лйавниң авийаматкаси бәш парахотниң һәмраһлиқида йапонийәниң җәнубидики окинаваға йеқин җайдин өткән.
йапонийә өзини қоғдаш деңиз қисимлириниң байанатида қәйт қилинишичә, җәнубтики окинава иштати билән мийакоҗима арилиниң оттурисидин өткән лйавниң авийаматкаси, шималға қарап илгириләп шәрқий деңиз тәвәликигә киргән. хитай флоти сәпәр җәрйанида йапонийә деңиз тәвәликигә хилаплиқ қилмиған.
хитайда 1-феврал (2021) йолға қойулған қанун саһил бихәтәрликигә вә мәзкур деңиз тәвәликидә пиринсипларға бойсунмиған чәт әл парахотлириға қарши қорал ишлитиш һоқуқи бериду.
кйодо агентлиқи мәзкур қанунниң, хитайға шәрқий деңиздики ихтилаплиқ сенкаку араллири әтрапида һәрикәт қилған йапонийә парахотлирини нишанға елиш һоқуқи беридиғанлиқини билдүрди.
шәрқий деңизда йапонийә «сенкаку», хитай «дйавйү» дәп атайдиған тақим араллар бәш арал вә үч қийалиқтин тәркип тапиду.
مۇناسىۋەتلىك خەۋەرلەر
полша: земинимизға йадро қораллирини орунлаштурушқа тәййармиз
полша өз земиниға йадро қораллирини орунлаштурушқа тәййар икәнликини билдүрди.
