baydin dölet mejlisidiki tunji qétimliq nutuqida amérikaning ichki-tashqi siyasiti toghrisida toxtaldi

amérika qoshma ishtatliri pirézidénti jo baydin dölet mejlisidiki tunji qétimliq nutuqida, döletning ichki – tashqi siyasetlirining tepsilati toghrisida toxtaldi.

1630460
baydin dölet mejlisidiki tunji qétimliq nutuqida amérikaning ichki-tashqi siyasiti toghrisida toxtaldi

türkiye awazi radiyosi xewiri: jo baydin 2021 – yili 20 – yanwardin buyan tunji qétim dölet mejlisining birleshme yighinida yuqiri palata we awam palata ezalirigha xitab qildi.

pirézidént jo baydin, dunyaning nöwette bu esirning eng xeterlik yuqumluq késili bolghan kowid – 19 we (1929 – yilidiki dunya iqtisadiy kirizisidin buyanqi) eng éghir iqtisadiy kirizisqa duchar bolghanliqini éytti, hemde döletning barliq imkaniyetlirini waksina üchün seperwer qilghanliqini tekitlidi.

tashqi siyaset toghrisidimu muhim wedilerni qilghanliqini eskertken baydin: «xitay dölet reisi shi (jinping) bilen ötküzgen téléfon söhbitimde uningghimu dédim, biz riqabetni qizghin qarshi alimiz, toqunushning koyida emesmiz» dédi.

u, rusiye prézidénti wiladimir putin bilen ötküzgen téléfon söhbitidimu toqunushning koyida emesliklirini, lékin qilghan ishlarning keltüridighan aqiwetlirining barliqini éytqanliqini eskertip: «rusiyening saylamlirimizgha arilishishigha, hökümitimiz we shirketlirimizge qilghan tor hujumlirigha muwazinetlik inkaslarni qayturduq. biraq, mesile ortaq menpeetlirimizge kelgende, hemkarliq ornitalaymiz. putin bizning tégishlik jawabni béridighanliqimizni nahayiti yaxshi chüshendi» dégenlerni qeyt qildi.

iran we shimaliy koréyening yadro pilanlirining dunya üchün éghir xewp ikenlikini ilgiri sürgen baydin: «bu döletler peyda qilghan tehditlerge qarshi diplomatiye we qetiy irade bilen küresh qilish üchün ittipaqdashlirimiz bilen yéqindin hemkarlishimiz» dédi.

u yene afghanistandiki amérika eskerlirige isharet qilghan halda «emdi öyge qaytish peyti» dédi.

pirézidént jo baydin amérikaning ichki weziyitige qaytip: «nöwettiki bizning wetinimizdiki eng éghir térrorluq tehditi aq tenlik irqchiliqidur. aq tenlik irqchiliqi bir térrorizm bolup, uni körmeske salsaq bolmaydu» dédi.

u amérikadiki qoral sétish mesilisige munasiwetlik bezi yuchuqlarni itish üchün xizmet ishlewatqanliqlirini tilgha aldi.

köchmenler mesilisiningmu her daim amérika qoshma ishtatlirining eng muhim mesililirining biri bolup kelgenlikini otturigha qoyghan baydin: «30 yildin artuq waqittin buyan siyasiyonlar köchmenler mesilisi islahati toghrisida gep qiliwatqan bolsimu, emma héchqandaq ish qilmidi. emdi buni tüzitish waqti keldi» dégenlerni sözlirige ilawe qildi.



مۇناسىۋەتلىك خەۋەرلەر