15 milyon dollarliq xéridari bolghan dunya boyiche eng qimmet pochta markisi

türkiye awazi radiyosi xewiri: engiliye gwianada ishlepchiqirilghan pochta markisi paytext londondiki «Sothebys» talashturup sétish ornida körgezme qilindi.

6-ayda talashturup sétish ornida sétilidighan bu pochta markisining 15 milyon dollargha sétilip rékort yaritishi mölcherlenmekte.

filatik mutexessisi dawid bich, «bu pochta markisi pochta markiliri ichide <monaliza> gha oxshaydu. bir sintliq bu pochta markisi asasliqi gézit tarqitishta ishlitiletti. bularning köpinchisi tashliwétiletti. bu pochta markisining bügüngiche saqlinip qélishi bir möjize» dédi.

pochta markisini 1873-yili engiliye gwianada yashaydighan shotlandiyelik wérnon wagan isimliq ​​12 yashliq bir bala tapqan idi.

wagan bu pochta markisini taghisining qeghezlirini axturush jeryanida körgenlikini we qimmetlik dep oylighanliqi üchün saqlap qoyghanliqini bildürgen idi.

pochta markisi 1980-yili milyonér jon du pontqa 935 ming dollargha sétilip rékort yaratqan idi.

pochta markisining hazirqi xojayining bolsa, amérikaliq meshhur ayagh layiheligüchi stuart wéytzman ikenliki bildürülmekte.