15 مىليون دوللارلىق خېرىدارى بولغان دۇنيا بويىچە ئەڭ قىممەت پوچتا ماركىسى

تۈركىيە ئاۋازى رادىيوسى خەۋىرى: ئەنگىلىيە گۋىئانادا ئىشلەپچىقىرىلغان پوچتا ماركىسى پايتەخت لوندوندىكى «Sothebys» تالاشتۇرۇپ سېتىش ئورنىدا كۆرگەزمە قىلىندى.

6-ئايدا تالاشتۇرۇپ سېتىش ئورنىدا سېتىلىدىغان بۇ پوچتا ماركىسىنىڭ 15 مىليون دوللارغا سېتىلىپ رېكورت يارىتىشى مۆلچەرلەنمەكتە.

فىلاتىك مۇتەخەسسىسى داۋىد بىچ، «بۇ پوچتا ماركىسى پوچتا ماركىلىرى ئىچىدە <مونالىزا> غا ئوخشايدۇ. بىر سىنتلىق بۇ پوچتا ماركىسى ئاساسلىقى گېزىت تارقىتىشتا ئىشلىتىلەتتى. بۇلارنىڭ كۆپىنچىسى تاشلىۋېتىلەتتى. بۇ پوچتا ماركىسىنىڭ بۈگۈنگىچە ساقلىنىپ قېلىشى بىر مۆجىزە» دېدى.

پوچتا ماركىسىنى 1873-يىلى ئەنگىلىيە گۋىئانادا ياشايدىغان شوتلاندىيەلىك ۋېرنون ۋاگان ئىسىملىق ​​12 ياشلىق بىر بالا تاپقان ئىدى.

ۋاگان بۇ پوچتا ماركىسىنى تاغىسىنىڭ قەغەزلىرىنى ئاختۇرۇش جەريانىدا كۆرگەنلىكىنى ۋە قىممەتلىك دەپ ئويلىغانلىقى ئۈچۈن ساقلاپ قويغانلىقىنى بىلدۈرگەن ئىدى.

پوچتا ماركىسى 1980-يىلى مىليونېر جون دۇ پونتقا 935 مىڭ دوللارغا سېتىلىپ رېكورت ياراتقان ئىدى.

پوچتا ماركىسىنىڭ ھازىرقى خوجايىنىڭ بولسا، ئامېرىكالىق مەشھۇر ئاياغ لايىھەلىگۈچى ستۇئارت ۋېيتزمان ئىكەنلىكى بىلدۈرۈلمەكتە.