украина пирезиденти алдинқи сәпни зийарәт қилди
украина пирезиденти владимир зеленски русийәниң қанунсиз бесивалған қирим билән украина оттурисидики алдинқи сәп линйәсини зийарәт қилди.
түркийә авази радийоси хәвири: украина пирезиденти владимир зеленски қирим билән украина оттурисидики алдинқи сәп линйәсини зийарәт қилип, армийә-қисимлири тоғрисида мәлумат алди.
у армийәниң техника вә писхологийәлик әһвалини нәқ җайда көрүшниң интайин муһимлиқини билдүрүп, русийәниң һәрбий қсимлирини чекиндүрүшни башлишиниң, украина армийәсиниң русийәниң қайта келиш еһтималиға қарши тәййар турмаслиқ мәнисини билдүрмәйдиғанлиқини әскәртти.
у йавропа дөләтлири вә американиң ортақ тиришчанлиқлириниң җиддийчиликни пәсәйтиш үчүн пурсәт йаратқанлиқини тәкитләп: «русийә қисимлириниң чекинидиғанлиқиға %100 капаләтлик қилалмаймиз. шундақ болсиму, украина чегралиридин чекиниш қарарини тәқдирләймиз. бу җиддийчиликни давамлаштурмаслиқ нийитини крситиду» деди.
у минск музакирәлирини йеңилашни чақириқ қилип: «һечким минскниң ахирлишишини халимайду, әмма бәза нуқтилар йеңилиниши керәк» деди.