makénzié amérika - türkiye munasiwetliri toghrisida toxtaldi

türkiye awazi radiyosi xewiri: amérika armiyesi merkiziy qisimlar (CENTCOM) qomandani général – polkownik kénét makénzié, jumhur reis rejep tayyip erdoghan bilen amérika qoshma ishtatliri pirézidénti jo baydinning shimaliy atlantik okyan ehdi teshkilati – nato bashliqlar yighini jeryanida ishqa ashurulidighan uchrishishining ikki dölet munasiwetlirining kelgüsi üchün paydiliq ikenlikini éytti.

général makénzié merkizi paytext washingtongha jaylashqan American Enterprise Institute namliq istratégiye merkizide ottura sherqtiki özgirishler toghrisida söz qildi.

u, türkiyening rayonda, xususen süriye we liwiyediki éship bériwatqan herbiy küchining amérikaning rayondiki paaliyetlirige tesir körsitip – körsetmeydighanliqi toghrisidiki bir soalgha: «aldi bilen, türkiye uzundin buyan qimmetlik nato ittipaqdishimizdur. türkiye bilen 5 – madda (nato kélishimi) gha asasen ornitilghan munasiwitimiz bar» dep jawab berdi.

makénzié, türkiyening iraq we süriye mesiliside orunluq xewpsizlik endishilirining barliqini we buni chüshinidighanliqlirini bildürüp: «türkiye bilen birdeklik hasil qilalaydighan nuqtilirimizni köpeytishke tirishiwatimiz. chüshinishmesliklirimiz bolsimu, dost bolushni dawamlashturalaymiz. türkiye bilen chüshinish hasil qilalmighan sahelirimiz bar, biraq bu jehettiki yaxshi isharet, aldimizdiki ay ikki pirézidént natoda körüshidu. buning kelgüsi üchün nahayiti ijabiy bolidu, dep oylaymen» dégenlerni qeyt qildi.