макензие америка - түркийә мунасивәтлири тоғрисида тохталди

америка армийәси мәркизий қисимлар (CENTCOM) қомандани генерал – полковник кенет макензие, җумһур рәис әрдоған билән пирезидент байдинниң учришишиниң мунасивәтләрниң кәлгүси үчүн пайдилиқ болидиғанлиқини ейтти.

1629821
макензие америка - түркийә мунасивәтлири тоғрисида тохталди

түркийә авази радийоси хәвири: америка армийәси мәркизий қисимлар (CENTCOM) қомандани генерал – полковник кенет макензие, җумһур рәис рәҗәп таййип әрдоған билән америка қошма иштатлири пирезиденти җо байдинниң шималий атлантик окйан әһди тәшкилати – нато башлиқлар йиғини җәрйанида ишқа ашурулидиған учришишиниң икки дөләт мунасивәтлириниң кәлгүси үчүн пайдилиқ икәнликини ейтти.

генерал макензие мәркизи пайтәхт вашингтонға җайлашқан American Enterprise Institute намлиқ истратегийә мәркизидә оттура шәрқтики өзгиришләр тоғрисида сөз қилди.

у, түркийәниң районда, хусусән сүрийә вә ливийәдики ешип бериватқан һәрбий күчиниң американиң райондики паалийәтлиригә тәсир көрситип – көрсәтмәйдиғанлиқи тоғрисидики бир соалға: «алди билән, түркийә узундин буйан қиммәтлик нато иттипақдишимиздур. түркийә билән 5 – мадда (нато келишими) ға асасән орнитилған мунасивитимиз бар» дәп җаваб бәрди.

макензие, түркийәниң ирақ вә сүрийә мәсилисидә орунлуқ хәвпсизлик әндишилириниң барлиқини вә буни чүшинидиғанлиқлирини билдүрүп: «түркийә билән бирдәклик һасил қилалайдиған нуқтилиримизни көпәйтишкә тиришиватимиз. чүшинишмәсликлиримиз болсиму, дост болушни давамлаштуралаймиз. түркийә билән чүшиниш һасил қилалмиған саһәлиримиз бар, бирақ бу җәһәттики йахши ишарәт, алдимиздики ай икки пирезидент натода көрүшиду. буниң кәлгүси үчүн наһайити иҗабий болиду, дәп ойлаймән» дегәнләрни қәйт қилди.



مۇناسىۋەتلىك خەۋەرلەر