jon kirbi afghanistandin chékinish toghrisidiki bayanatini özgertti
amérika dölet mudapie ministirliqi bayanatchisi jon kirbi (John Kirby) afghanistandiki amérika qisimliri we nato qisimlirining afghanistandin chékinish pilani toghrisida élan qilghan bayanatini, xata sözligenlikini éytip qayturuwaldi.
türkiye awazi radiyosi xewiri: amérika pirézidénti jo baydin 11-séntebirgiche afghanistandiki barliq amérika eskerlirini chékindüridighanliqi bayanatini élan qilip, aridin texminen ikki hepte ötti. bu waqit ichide, amérika armiyesi chékinish pilanlirini we chékinish bashlinish bilen afghanistandiki wezipilirining ramkisini békitishke tirishmaqta.
kündilik axbarat élan qilish yighinida bu heqtiki soallargha jawab bergen jon kirbi, chékinish pilanining mushu ay axirighiche dölet mudapie ministiri loyd ostin (Lloyd Austin) gha sunulidighanliqini bildürdi.
u chékinish bashlanghanda amérikaning afghanistan armiyesige yardem bérishni dawamlashturidighan yaki dawamlashturmaydighanliqi toghrisidiki soalgha: «1-may kelgende, afghanistandiki wezipe almishidu. u chaghdiki wezipimiz afghanistan dölet xewpsizlik qisimlirigha telim-terbiye bérish emes, belki afghanistandin chékinish bolidu» dédi.
u yighin axirlashqandin kéyin, tiwittérda hembehirligen uchurida: «xata sözlep qoyuptimen. nato telim-terbiye qismining wezipisi 1-mayda axirlashmaydu. buningdin bashqa, afghanistan xewpsizlik qisimlirigha qiliwatqan hawa jehettiki yardimimizni azaytish yaki özgertish toghrisdimu héchqandaq qarar yoq» dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
