birmada toqunush yüz bérip 10 adem öldi

türkiye awazi radiyosi xewiri: bérmaning bangladésh chégrasigha jaylashqan chin ölkisidiki siyasiy özgirishke qarshi milliy qoralliq teshkilat bilen bérma armiyesi otturisida yüz bergen toqunushta, bérma armiyesidin kem dégende 10 eskerning ölgenliki bildürüldi.

1 – féwral herbiy – siyasiy özgirishidin kéyin namayishchilarni birma armiyesining ziyankeshnlikidin qoghdash üchün qurulghan chinland mudapie qisimlirining emeldari, ölkining mindat shehiride yüz bergen toqunushlar heqqide «irrawady» gézitige bayanat berdi.

chinland mudapie qisimliri rehbiri, tünügün kechte sheherning taghliq rayonlirida armiyening aptomobil etritige hujum qilip, kem dégende 10 eskerni öltürgenliklirini we toqunushning pütün kün dawamlashqanliqini uqturdi.

armiyening bügün etigende qayturma hujumgha ötkenlikini bildürgen mezkur emeldar: «ular minamyot zembiriki we pilimutlarni ishlitip jawab qayturdi. biz qattiq bomba astida qalduq» dédi.