rusiye ukrainaliq bir diplomatni chégradin qoghlap chiqirishni qarar qildi

türkiye awazi radiyosi xewiri: rusiye tashqi ishlar ministirliqi bayanat élan qilip, 19- aprél ukraina terepning bir rus diplomatni «xalanmighan adem» dep élan qilishidin ibaret «dostane bolmighan» herikitige qarita, moskwaning oxshash usulda inkas qayturush pirinsipigha asasen, ukrainaliq bir diplomatni «xalanmighan adem» dep élan qilghanliqini uqturdi.

ukrainaliq diplomatning 30- aprélghiche rusiyedin ayrilishining telep qilinghanliqigha isharet qilinghan bayanatta, eger ukraina terep rusiye diplomatlirigha «düshmenlerche» muamile qilishni dawamlashtursa, ukrainaning rusiyediki diplomatlirigha qarshi qoshumche tedbirlerning qollinilidighanliqi otturigha qoyuldi.