ruhani: dunya bilen munasiwet ornatmay turup tereqqiy qilghili bolmaydu

türkiye awazi radiyosi xewiri: iran pirézidéntliq mehkimisi bayanat élan qilip, paytext téhranda iqtisadshunaslar bilen körüshken ruhanining: «bizmu mesililerning dölet ichide hel qilinishi kéreklikige ishinimiz, emma shuni bilish kérekki, dunya bilen munasiwet ornatmay turup, ilgirileshni qolgha keltürgili, döletni tereqqiy qildurghili bolmaydu» dégenlikini bildürdi.

bayanatta, ruhanining, ilgiri 119 milyard dollargha yetken néfit kirimining özi hökümet bashqurghan mezgilde 67 milyard dollardin ashmighanliqini qeyt qilghanliqigha dair uchurlarghimu orun bérildi.

bayanatta körsitilishiche, hesen ruhani yene, awstriyening paytexti wiyénnada élip bériliwatqan yadro kélishimi söhbiti toghrisida toxtilip: «wiyénnadiki söhbet iranning küchining namayendisi. bügün dunya iran bilen kélishim tüzüsh we jazani bikar qilishtin bashqa yolning yoqluqini qobul qildi. bu iran üchün zor utuqtur» dégenlerni sözlirige ilawe qilghan.