белгийә үч дөләттин кәлгән кишиләргә чәклимә қойди
белгийә һөкүмити вухән вируси (Kovid-19) ға мунасивәтлик вәқәләр күнсери көпийиватқан, шундақла вирусниң йеңи варийантлири оттуриға чиққан һиндистан, җәнубий африқа вә биразилийәдин сайаһәтчиләрниң келишини зөрүр болмиған әһвал астида чәклиди.
1629368
түркийә авази радийоси хәвири: белгийә һөкүмити һиндистан, биразилийә вә җәнубий африқа пуқралириниң келишигә чәклимә қойди.
белгийә һөкүмитиниң мәслиһәтчиләр комитетида чиқирилған қарар бойичә, мәзкур үч дөләт пуқралириниң белгийә чеграсидин киришигә, интайин зөрүр әһвалларда рухсәт қилиниду.
һиндистан, биразилийә вә җәнубий африқадин белгийәгә келиши зөрүр болған қатнаш хадимлири, деңизчилар, дипломатлар, хәлқаралиқ тәшкилатларниң хизмәтчилири қатарлиқ чәклик сандики кишиләр мустәсна тутулиду.
белгийә чеграсидин киргән кишиләр өзини карантин қилиши вә саламәтлик тәкшүрүтүши керәк. үч дөләттин кәлгән белгийә пуқралири вә белгийәдә туруш рухсити болған кишиләргиму бу тәдбир иҗра қилиниду.
