yaponiye, amérika we firansiye birlikte manéwir ötküzidu
yaponiyening özini qoghdash qisimliri xitayning tehdit sélish xaraktérlik paaliyetlirige qarshi firansiye we amérika bilen keng kölemlik manéwir ötküzidu.
türkiye awazi radiyosi xewiri: yaponiye dölet mudapie weziri kishi nobuo axbarat élan qilish yighinida, 11-17-may künliri arisida döletning gherbiy jenubidiki kyushuda firansiye we amérika bilen ortaq manéwir ötküzüshning pilan qilinghanliqini élan qildi.
u üch döletning quruqluq qisimlirining tunji qétim keng kölemlik manéwir ötküzidighanliqini bildürüp: «firansiye erkin we ochuq hindi- tinch okyan nishanigha ortaqlishidu. yiraqtiki arallarning qoghdilishi dairiside, yaponiye, amérika we firansiye otturisida hemkarliqni kücheytip, özini qoghdash qisimlirining taktika we iqtidarini tereqqiy qildurushni meqset qilimiz» dédi.
kyodo agéntliqining xewiride, hindi okyan bilen jenubiy tinch okyan rayonlirida zémin parchiliri bolghan firansiyening, hindi-tinch okyan istratégiyelik menpeetke ige ikenliki qeyt qilindi.
